...

Office Lines-da iş həyatı

Həvəsləndirici iş mühiti – bizim davamlı uğurumuz göstərdiyimiz xidmətin səviyyəsindən asılıdır və buna töhfə verəcək mühiti yaratmaq üçün biz əlimizdən gələni edirik. Bizim işçilərimiz uğurlu nəaliyyətlərə can atırlar və daim mükəmməl müştəri xidməti göstərməkdə həvəslidirlər. Bununla onlar həm şirkət daxilində həm də ondan xaricdə effektiv münasibətlər qurmağa nail olurlar.

Real imkanlar – Biz artıq ölkənin ən uğurlu dəftərxana təchizatçılarından biriyik və daha da irəli inkişaf etmək üçün iddialıyıq. İnkişaf edib genişləndikcə, biz işçilərimizdəki potensialı aşkər etmək imkanı əldə edirik. İşçi axtararkən iş təcrübəsi bizim üçün mühüm olan yeganə amil deyil; Office Lines öyrənmək, inkişaf etmək və biliklərini tətbiq etmək həvəsində olan tələbələr və məzunlar üçün geniş imkanlar təklif edir.

Office Lines Kollektivi

İşçi kollektivimiz bizim ən dəyərli resurslarımızdır və biz bunu sadəcə sözdə demirik. İşçilərin inkişafına müasir yanaşmamızla biz müvafiq sistemlər və prosedurlar tətbiq edirik. Dəqiq və düzgün hədəfli KPİ sistemimiz həm işçilərə həm də rəhbərliyə işçilərin performansını izləməyə imkan verir. Mövcud işçilərin inkişafı planı həm uzun həm də qısa müddətli fərdi inkişaf planlarını özündə birləşdirir. Təlim və tədris proqramımız vasitəsilə biz işçilərimizin inkişaf etməsi, təkmilləşməsi və yeni bacarıqlarını aşkar etməsi üçün geniş imkanlar yaradırıq.

Biz işçilərimizdə fəxr edirik; onlar isə bizimlə işləməkdən məmnunluq duyurlar. Aşağıda bəzi işçilərimizin dedikləridir:

 


Ləman Əsədova
, Satış üzrə Menecer: Office Lines-da işləməkdən həzz alıram. Mükəmməl müştəri xidmətini əldə etmək üçün etdiyim hər bir cəhd rəhbərlik tərəfindən yüksək qiymətləndirilir. Biz burada bir böyük ailə kimiyik, qarşıya qoyulmuş məqsədə çatmaq üçün ailənin hər bir üzvü digərlərinə kömək edir.

 


Zaur Qarayev
, Web Marketing Layihəsinin Rəhbəri: Mən bir neçə il öncə Office Lines-da anbardar olaraq işləməyə başladım. Məndəki istedadı və öyrənmək istəyini hiss etdikdə, şöbə müdürüm özü mənim şirkətdəki inkişafımla məşğul olmağa başladı. Hər bir yeni gün mənə yeni imkanlar təklif edir.

 


İlham Quliyev
, Təchizat Şöbəsinin Müdiri
: Bizim rüblük hədəflərimizin əvvəlcədən müəyyən edilməsi və izah edilməsi həqiqətən də çox kömək edir. Office Lines-da işləməyə başlayanda artıq əvvəlki iş təcrübəmin olmasına baxmayaraq mən iş üzərində təlimlər vasitəsilə çox şey öyrənmişəm. 

Müraciət etmək üçün: CV-nizi hr@officelines.az ünvanına göndərin.

Və yaxud ONLİNE CV APPLİCATİON -dan istifadə edin!